10:31 21 Қараша 2017
Тікелей эфир
Құрылыс

ҚР тек бір құрылыс компаниясына үлескерлер қаражатын қолдануға рұқсат етілді

CC0 / Mabel Amber
Экономика
Қысқа сілтеме алу
28 0 0

Тұрғын үй құрылысының кепілдік қоры жылдың соңына дейін шамамен 10 объект кепілдік алады деп үміттенеді

АСТАНА, 10 қазан – Sputnik. 40 құрылыс компаниясының тек біреуі ғана тиісті құжаттарды ұсынып, үлескерлердің қаржысын құрылысқа тартуға құқық алды, деп хабарлайды "Тұрғын үй құрылысының кепілдік қоры" АҚ басқармасының төрағасы Дәурен Оңаев. 

"Бірқатар компаниялар кепілдік төлемнің жоғары көрсеткішін ұсынған. Ол 2 ден 6 %-ға дейінгі аралықта болды. Біз бірден бұл көрсетішті қайта қарауға ұсыныс жасадық. Бір жыл ішінде атқарылған жұмыстың қортындысы бойынша, біздің қор екі объектіге кепілдік берді. Құрылыс жұмыстары биыл жүргізіліп жатыр. Қордың кепілдігін Астанадағы "Миллениум парк" ТК және Алматыдағы "Легенда" ТК бірінші кезегі иеленді.  Екі құрылыс объектісі де  "Корпорация "Базис-А" ЖШС жобалары болып табылады, — деп хабарлады Оңаев орталық коммуникациялар қызметіндегі брифинг кезінде. 

Неліктен бір ғана компания кепілдікке ие болды деген сұраққа, Оңаев, дәл осы компания қысқа мерзім аралығында талапқа сәйкес қажетті құжаттарды ұсынғанын алға тартты. 

Оған қоса, Астана мен Алматымен қатар, еліміздің басқа өңірлерінде де кепілдікке ие бола алатын өтініш беруші компаниялар да бар екені атап өтілді.

"Біздің есебіміз бойынша, жылдың соңына дейін шамамен 10 объект кепілдік алуы мүмкін. Әрине, бұл объектілердің дайындығына және олардың талапқа сай келуіне қатысты болады", — деп нақтылады басқарма төрағасы. 

Брифинг барысында Дәурен Оңаев 2016 жылы 10 қазанда "Тұрғын үй құрылысындағы үлескерлік туралы" ҚР Заңы қолданысқа енгізіліп, сол күннен бастап Тұрғын үй құрылысының кепілдік қоры өз жұмысын бастағанын еске сала кетті.


 

Басты тақырыптар