АСТАНА, 16 қараша — Sputnik. Теңге банкноттарын латын графикасына ауыстыру процесі өте ұзаққа созылады, деп мәлімдеді ҚР Ұлттық банкінің төрағасы Данияр Ақышев.
"Біз жарлыққа сәйкес жұмыс істейміз. Бұған қатысты өте көп мәселе бар, банкноттардағы жазуды ауыстыру, сіздер ойлағандай, оңай емес. Біз ешқандай кезең белгілеген жоқпыз, банкноттарды дайындау процесінің өзі – өте ұзақ кезең", — деді Ақышев журналистерге.
Осы жылдың 27 қазанында мемлекет басшысы қазақ тілі әліпбиін латын графикасына көшіру туралы жарлыққа қол қойған еді.
