05:08 22 Тамыз 2018
Тікелей эфир
  • USD360.71
  • EUR411.53
  • RUB5.38
Жол жөндеу

Қасымбек өңірлердегі жолдар үшін қосымша ақша сұрады

© Sputnik / Игорь Агеенко
Экономика
Қысқа сілтеме алу
37 0 0

Министрлік қосымша қаражатқа жыл сайын төрт мың шақырым автожолды қалпына келтіруді жоспарлап отыр

АСТАНА, 14 ақпан – Sputnik. ҚР инвестициялар және даму министрі Жеңіс Қасымбек жергілікті маңыздағы жолдар үшін қосымша қаражат бөлуді сұрады, деп хабарлайды Sputnik Қазақстан тілшісі.

"Биылғы бюджетті нақтылау аясында жергілікті автожолдарды дамыту үшін облыстарға қосымша ақша бөлуді жоспарлап отырмыз. Бүгінде шамамен 80 миллиардтан 90 миллиард теңгеге дейін қаржыландырылады, біз мемлекет басшысының тапсырмасына сәйкес бұл соманы 150 миллиард теңгеге дейін ұлғайтқымыз келеді. Депутаттардан мұны қолдауды сұраймыз", — деді министр ведомство алқасының кеңейтілген отырысында. 

Қасымбек қосымша қаржыға жыл сайын 4 мың шақырым автожолдың сапасын жақсартуды жоспарлап отыр. 

"Жыл сайын жергілікті маңыздағы 4000 шақырым автожолды қайта қалпына келтіру жоспарда бар. Бұл жол сапасының жақсаруына септігін тигізеді. 2020-2022 жылдарға қарай жергілікті жолдардың 85 пайызы жақсы күйде болады деп жоспарлап отырмыз", — деді министр.

Кілт сөздер:
қаржыландыру, жолдар, ҚР инвестициялар және даму министрлігі, Жеңіс Қасымбек

Басты тақырыптар