Экономика

Қазақстан шетелдегі қазақтарды қолдауға қанша қаржы бөлетіні белгілі болды

© REUTERS / SHAMIL ZHUMATOVАрал теңізіне жақын орналасқан Бөген ауылының оқушылары, архивтегі фото
Арал теңізіне жақын орналасқан Бөген ауылының оқушылары, архивтегі фото - Sputnik Қазақстан
Жазылу
Мемлекет шетелдегі қазақ мектептерін оқу-әдістемелік құралдармен қамтамасыз етеді, сондай-ақ балаларды Қазақстанның білім беру лагерлеріне шақырады

АСТАНА, 25 мамыр  — Sputnik. Қазақстан үкіметі 2018-2022 жылдары шетелдегі этникалық қазақтарға қолдау көрсету бойынша іс-шаралар жоспарын бекітті.   

"Жоспарда қазақ диаспорасы өкілдерінің Қазақстанның оқу орындарында білім алуы үшін шәкіртақылық бағдарлама әзірлеу қарастырылған. 2019 жылы оған  47 миллион теңгеден астам, 2020 жылы 219 миллион теңге, 2021 жылы 407 миллион теңге жұмсалады", — деп жазылған құжатта.

Скульптурная композиция - Sputnik Қазақстан
Қоғам
Шетелдегі білімді қазақтар тарихи отанын өркендетуге атсалысады

Шетелдегі қазақ мектептері мен қазақ мәдениет орталықтарын гуманитарлық бағыттағы оқу-әдістемелік құралдармен қамтамасыз етуге 19,2 миллион  теңгеге тарта қаржы бөлінеді.  

Сондай-ақ шетелдегі қазақ мәдениет орталықтарын сұраным бойынша гуманитарлық бағыттағы әдебиеттермен қамту қарастырылған.  

Шетелдегі қазақ диаспораларының балалары каникул кезінде Қазақстандағы білім беру және танымдық лагерлерге келе алады. Олар Қазақстанда жоғары білім алу үшін квотамен қамтамасыз етіледі, сондай-ақ ұлттық киім, ұлттық музыкалық құралдар мен басылымдарды алады.   

Шетелде тұратын қазақ диаспораларының өзара әрекеттестігі мәселелері жөнінде қазақтардың шағын құрылтайын өткізу жоспарланған. 

Қазақтар - Sputnik Қазақстан
Қоғам
Шетелдегі қандастарды қолдау үшін "Отандастар" қоры құрылады

Этникалық қазақтарға Қазақстанның қасиетті жерлері таныстырылады, олар үшін "Қазақтардың рухани құндылықтары мен салт-дәстүрін сақтау" тақырыбында семинар-тренинг өткізіледі, қазақ тілін үйрену бойынша онлайн курстар таныстырылады.  

Сонымен қатар, шетелдегі атақты қазақтар жайлы "Алыстағы ағайын" фильмдер циклын түсіруге дайындық жасалып жатыр. Ал іргелес елдердегі диаспоралар қазақстандық теле хабар таратумен қамтамасыз етіледі.  


Жаңалықтар
0