21:47 19 Қараша 2018
Тікелей эфир
  • USD367.06
  • EUR416.17
  • RUB5.56
Калькулятор, архивтегі фото

Қазақстан экономикасының алдағы тағдыры не болмақ?

CC0 / Edar
Экономика
Қысқа сілтеме алу
257 0 0

Мәжілістің жалпы отырысында еліміздің 2019-2023 жылдарға арналған әлеуметтік-экономикалық даму болжамы таныстырылды

АСТАНА, 31 қазан – Sputnik. Республикалық бюджет кірісі 2021 жылы 8 триллион 025 миллиард теңгеге дейін өспек. Бұл туралы бүгін ұлттық экономика министрі Тимур Сүлейменов мәлімдеді, деп хабарлайды тілшісі. 

Мәжілістің жалпы отырысында ұлттық экономика министрі еліміздің 2019-2023 жылдарға арналған әлеуметтік-экономикалық даму болжамын таныстырды.

"Базалық сценарийде мұнай бағасы 60 АҚШ доллары болып алынды. Жалпы ішкі өнімнің нақты өсуі 2019 жылы 3,9%, ал 2023 жылы 4,6%-ке дейін болжанады. Жалпы ішкі өнімнің орташа жылдық өсуі алдағы болжанатын кезеңде 4,2%-ті құрайды. 2019 жылы номиналды жалпы ішкі өнім 64,1 триллион теңгеден 2023 жылы 86,9 триллион теңгеге дейін өседі", —деді Сүлейменов отырыста. 

Оның айтуынша, жан басына шаққандағы жалпы ішкі өнім 2019 жылы 9,9 мың АҚШ долларын құрап, 2023 жылы 12,9 мың АҚШ долларына дейін ұлғаяды. Мұнай өндіру көлемі 2019 жылғы 88,0 миллион тоннадан 2023 жылы 99,0 миллион тоннаға дейін өседі. Жылдық инфляцияның нысаналы дәлізі 2019 жылы 4,0-6,0% сақталады, ал 2020-2023 жылдары 3,0-4,0%-ке дейін төмендейді. 

Сүлейменов сондай-ақ макроэкономикалық болжам негізінде 2019-2021 жылдарға арналған бюджет параметрлері мен Ұлттық қордың болжамы әзірленгенін атап өтті. 

"Республикалық бюджет кірісі (трансферттерді қоспағанда) 2019 жылы – 6 триллион 810 миллиард теңге, 2020 жылы – 7 триллион 382 миллиард теңге, 2021 жылы 8 триллион 025 миллиард теңге көлемінде болжануда", — деді ол. 

Ал республикалық бюджет шығыстары 2019 жылы –  10 триллион 716 миллиард теңге, 2020 жылы –  11 триллион 081 миллиард теңге, 2021 жылы 11 триллион 428 миллиард теңге көлемінде айқындалды. 

Ұлттық қордың валюталық активтері болжам бойынша 2019 жылы 62,3 миллиард АҚШ долларынан 2021 жылы 67,6 миллиард АҚШ долларына дейін ұлғаяды.


Тақырып бойынша

Сағынтаев: жаһандық сындардан соң экономика өсімін қалпына келтіре бастадық
Сүлейменов бес бастаманы іске асыру бойынша жол картасын таныстырды
Сүлейменов экономикалық өсімнің үш драйверін атады
Кілт сөздер:
экономика, Тимур Сүлейменов, Қазақстан
Загрузка...

Басты тақырыптар