Экономика

"Ата-анасы жұмыссыз" Министр 5 баласы бар отбасыны мысалға келтірді

© Sputnik / Болат ШайхиновЕңбек және халықты әлеуметтік қорғау министрі Мәдина Әбілқасымова
Еңбек және халықты әлеуметтік қорғау министрі Мәдина Әбілқасымова - Sputnik Қазақстан
Жазылу
Мәжілісте жаңа форматтағы атаулы әлеуметтік көмек туралы үкімет сағаты өтіп жатыр

АСТАНА, 5 қараша — Sputnik. Еңбек және халықты әлеуметтік қорғау министрі Мәдина Әбілқасымова Жамбыл облысында тұратын көп балалы отбасыға атаулы әлеуметтік көмек қалай көрсетіліп жатқанын айтты, деп хабарлайды тілшісі.

Әбілқасымова мәжілістегі үкімет сағатында атаулы әлеуметтік көмек алып отырған Аманбаевтар отбасын мысалға келтірді. Көп балалы отбасы Жамбыл облысы, Рысқұлов ауданы Құмарық ауылында тұрады. Отбасында 7 адам бар. 

Бала, архивтегі фото - Sputnik Қазақстан
Экономика
"Логика қайда?" Депутат министрден көмек алатындардың неге азайғанын сұрады

"Анасы бір жасқа дейінгі баласының тәрбиесімен айналысады, әкесі жұмыссыз, қалғандар кәмелетке толмаған 5 бала. Отбасының ай сайынғы табысы былтырғы 55 мың теңгеден осы жылы 92 мың теңгеге дейін ұлғайды. Яғни өткен жылмен салыстырғанда 1,5 есеге көбейді", — деді министр жаңа форматтағы атаулы әлеуметтік көмекті енгізу барысы туралы үкімет сағатында. 

Сондай-ақ, оның айтуынша, аталған отбасыға қосымша қолдау шаралары көрсетілді. 

"Мәселен, анасы жалақысы 50 мың теңгені құрайтын әлеуметтік жұмыс орнына орналастырылды. Яғни, мемлекеттен төленетін жәрдемақыдан бөлек қосымша 50 мың алып тұрды. Ал балалары мектепте ыстық тамақпен қамтамасыз етілді", — деді Әбілқасымова. 

Министр атап өткендей, жаңа форматтағы атаулы әлеуметтік көмек енгізілген 9 айда: 

  • атаулы әлеуметтік көмек алушылардың жан басына шаққандағы табысы 7 306  теңгеден 12 809 теңгеге дейін 1,8 (бір де сегіз) есеге өсті;
  • 2017 жылмен салыстырғанда атаулы әлеуметтік көмектің орташа мөлшері 2 есеге жуық артып, бір адамға айына 4 870 теңгені құрайды;
  • отбасына арналған төлемнің орташа мөлшері бір тоқсанға 75 972 теңгені құрады; 
  • 44,4 мың адам кедейлік жағдайынан шықты.

 


Жаңалықтар
0