16:22 23 Қазан 2019
Тікелей эфир
  • USD389.75
  • EUR434.26
  • RUB6.12
қарыз, ақша

Қазақстан Қытайдан алған қарызын уақытынан бұрын қайтарды

© Sputnik / Абзал Калиев.
Экономика
Қысқа сілтеме алу
1163830

Қарыздың жалпы сомасы 136,6 миллион АҚШ доллары болған

НҰР-СҰЛТАН, 15 тамыз – Sputnik. "Самұрық-Энерго" компаниясы өзіне қарасты "Мойнақ ГЭС" АҚ-мен бірге Қытайдың мемлекеттік даму банкінен алған қарызды мерзімінен бұрын өтедіі, деп хабарлайды Sputnik Қазақстан тілшісі.

"Самұрық-Энерго" компаниясының департамент басшысы Сергей Лидің айтуынша, валюталық қарыздың сомасы 136,6 миллион АҚШ доллары көлемінде болған. Оны мерзімінен бұрын өтеудің нәтижесінде компанияның валюталық берешегінің жалпы үлесі бірден 17 проценттен 3 процентке дейін төмендеді.

"Қытайдың мемлекттік даму банкінен алынған қарыздың мөлшерлемесі 1,2 процент болды. Оған қоса, алты айлық LIBOR (Лондонның банкаралық ұсыныс ставкасы - Sputnik) бар. Ол шамамен 3,7 процент. Ал қарыздың мерзімі 2029 жылға дейін есептелген еді", - деді Ли бүгін баспасөз мәслихатында.

Департамент басшысы Қытай берген қарыздың қай ақшаның есебінен өтелгенін де айтып берді. Оның сөзіне қарағанда, "Астана" халықаралық қаржы орталығы арқылы "Мойнақ ГЭС" компаниясының құнды қағаздары сатылымға шығарылған. Осылайша, қарызды өтеуге қажетті қосымша қаржы тартылды. Бұдан бөлек, Қытайдың мемлекеттік даму банкінде 5,6 миллиард теңге кепілзат ретінде жатты. Қарызды өтеу кезінде осы қаржы да салынған. 

Тағы оқыңыз: Қазақстан Қытайдан қанша қарыз алды - парламент заң қабылдады

"Халықаралық қаржы орталығының биржасында біз алғашқы эмитенттердің бірі болдық. Алдағы уақытта осы ынтымақтастық байланыстарын жалғастыруға мүдделіміз", - деп атап көрсетті Ли.

Айта кетейік, Қантаев атындағы Мойнақ су электр станциясы 2012 жылы пайдалануға берілген болатын. Бұл кешен Алматы облысындағы Шарын өзенінде орналасқан. Станция Алматы, Жамбыл, Қызылорда мен Түркістан облыстарын электр энергиямен қамтамасыз етеді. Оның құрылысына Қазақстанның даму банкі мен Қытайдың мемлекеттік даму банкі қаржысы салынған еді.

Тақырып бойынша

Қазақстан мен Қытай қос азаматтыққа қарсы келісім әзірледі
Қытай төрағасы Назарбаевқа жеделхат жолдады
Тоқаев: Қытайда жүргенде жемқорларды қалай ататынын көрдім
Қазақстанның Қытайдағы елшілігі Ақжарқын Тұрлыбайға қатысты мәлімет берді
Үкімет Қытайдың қарызынан бас тартты: LRT құрылысына ақша қайдан алынады
Кілт сөздер:
қарыз, Қытай
Загрузка...

Басты тақырып