08:22 15 Желтоқсан 2019
Тікелей эфир
  • USD383.95
  • EUR429.26
  • RUB6.16
Ақша, архивтегі сурет

"Президентке ұсыныс жасаймыз": министр зейнетақы жинағына қатысты мәселені қозғады

© Sputnik / Абзал Калиев.
Экономика
Қысқа сілтеме алу
1954 0 0

Қазіргі кезде зейнетақы қорында 10 миллионға жуық есепшот бар. Ал салымшылардың жалпы жинағ 10 триллион теңге

НҰР-СҰЛТАН, 26 қараша – Sputnik. Еңбек және халықты әлеуметтік қорғау министрі Біржан Нұрымбетов зейнетақы жинағын пайдалану бойынша бір шешімге келе алмаудың себебін атады, деп хабарлайды Sputnik Қазақстан тілшісі.

"Бүгінде министрлік пен үкіметтің жанынан арнайы жұмыс тобы құрылған. Сол жерде көптеген ұсыныс қарап жатырмыз. Біздің жоспарымыз бойынша алдағы желтоқсан айында бір ұстанымға келіп, жұмыс тобының атынан президентке ұсыныс жасауымыз керек. Әзірге, бір шешімге келген жоқпыз", - деді Нұрымбетов үкімет үйінде өткен баспасөз мәслихатында.

Министрдің айтуынша, қазіргі кезде зейнетақы қорында 10 миллионға жуық есепшот бар. Ал салымшылардың жалпы жинақтары 10 триллион теңгені құрап отыр.

"Расында, есептеп келгенде салымшылардың 70 проценті 1 миллион теңгеге дейін ғана ақша жинаған болып шығады. Сондықтан бұл мәселенің қиындығы бар. Ал зейнетақы қорындағы жиналған жарналардың негізгі мақсаты - біздің зейнетақымызды қамтамасыз ету. Негізі, мемлекет тарапынан төленетін зейнетақының ынтымақтастық жүйесі жылдан-жылға жабылып келеді. 2040 жылдан кейін тіпті мемлекеттің тарапынан тағайындалатын зейнетақыға шығатын адамдар болмайды", - деді Нұрымбетов.

Тағы оқыңыз: Зейнетақы жинағын алуға рұқсат берудің шарттарын аталды

Айта кетейік, қыркүйектің басында мемлекет басшысы Қасым-Жомарт Тоқаев зейнетақы жинақтарын пайдалануға қатысты тапсырма берген болатын.

"Үкіметке жылдың аяғына дейін жұмыс істейтін азаматтар үшін зейнетақы жинақтарының бір бөлігін мақсатты пайдалану мәселесін пысықтауды тапсырамын. Мәселен, ол ақшаны баспананы сатып алуға және білім алуға жұмсауға болады", - деді Тоқаев.

Тақырып бойынша

Кімдерге зейнетақы жинағын алуға рұқсат берілетіні айтылды
Зейнетақы жинағын алуға қатысты бірнеше ұсыныс жасалды
Қазақстандықтардың көбі зейнетақысын баспанаға жұмсай алмауы мүмкін
Зейнетақы қорындағы 20 млрд теңгенің қайда жұмсалғаны белгілі болды
Балаға берілетін жәрдемақы 2020: кімге, қалай және қанша төленеді?
Кілт сөздер:
зейнетақы жинағы, Үкімет
Загрузка...

Басты тақырып