00:42 13 Желтоқсан 2019
Тікелей эфир
  • USD384.63
  • EUR427.98
  • RUB6.08
Теңге, архитегі фото

Жалақы 50 процентке дейін өседі: Үкімет бірқатар шараны қолға алмақ

© Sputnik / Абзал Калиев.
Экономика
Қысқа сілтеме алу
8952 0 0

Нұрымбетов 2020 жылдан бастап мемлекет тарапынан бюджеттік салаға қатысты бірқатар шара қолға алынатынын атап өтті

НҰР-СҰЛТАН, 26 қараша – Sputnik. Үкіметтегі баспасөз конференциясында Қазақстанның еңбек және халықты әлеуметтік қорғау министрі Біржан Нұрымбетов табысы төмен жұмыскерлердің жалақысын арттыру бойынша атқарылып жатқан жұмыстар туралы айтып берді, деп хабарлады премьер-министрдің ресми сайты.

"Төмен жалақы алатындардың мәселесіне келсек, бізде еңбек заңнамасында тек төмен жалақы мөлшері реттелген, басқасының бәрі жұмыс берушінің құзырында. Сондықтан Елбасы жолдауына сәйкес, жыл басынан бері Қазақстандағы ең төменгі жалақы мөлшері 1,5 есеге – 28 000 теңгеден 42 500 теңгеге дейін артты", — деді министр.

Оған қоса, оның айтуынша, 25 АЕК дейін, яғни 63 000 теңгеге дейінгі көлемде еңбекақы алып жүрген азаматтардың салық жүктемесі 10 есе азайтылған.

Биыл 1 маусымнан бастап бюджет саласында жұмыс істейтін қызметкерлердің жалақысы 30%-ға артты.  

"Жыл басынан бері елімізде 2,7 мың кәсіпорын аз жалақы алып жүрген 1,2 миллион жұмыскерінің жалақысын орта есеппен 32,5%-ға көбейтті. Әлі де болса, еліміздегі кәсіпорындардың жартысына жуығы қызметкерлерінің табысын өсірген жоқ. Сондықтан, кәсіпорындар басшыларын осыған атсалысуға шақырамыз. Азаматтардың табысы өскен сайын ел тұрғындарының әл-ауқаты да арта түспек", — деді Нұрымбетов.

Бұл ретте, 2020 жылдан мемлекет тарапынан бюджеттік салаға қатысты бірқатар шара қолға алынады. Атап айтқанда, келесі жылдың 1 қаңтарынан бастап мұғалімдердің жалақысы 25%-ға, мәдениет саласындағы қызметкерлердің еңбекақысы 35%-ға, кейбірінің жалақысы 50%-ға дейін, әлеуметтік сала қызметкерлерінің еңбекақысы 30-60%-ға дейін көбейеді.

Балаға берілетін жәрдемақы 2020: кімге, қалай және қанша төленеді?

"Мемлекеттік еңбек инспекциясы мен прокуратура жергілікті және шетелдік қызметкерлердің еңбекақысының тең болуын қамтамасыз етуді талап етуде. Компаниялардың көбі қазақстандықтардың жалақысын өсіріп жатыр, дегенмен, шетелдіктердің жалақысын төмендету фактілері де бар. Яғни, бұл жұмыс берушінің шешіміне байланысты. Бастысы, ол талаптарды орындауы тиіс – бірдей лауазымдарда, бірдей атқарылатын жұмыста және біліктілігі тең жағдайда еңбекақы мөлшері бірдей болуы керек", — деді Б. Нұрымбетов. 

Оның мәліметінше, Қазақстанда жұмыс істеуге берілген 681 рұқсат қағазы қайтарып алынды, 393 шетелдік жұмыскер елден шығарылды.

Тақырып бойынша

Еңбек министрі Қазақстанда қанша қытай жұмыс істеп жүргенін айтты
"Айына 350 мың теңге": патрульдік полицейлердің жалақысы жарияланды
2020 жылдың бірінші қаңтарынан дәрігерлердің жалақысы өседі
Қазақстандықтарға 10 миллион теңгеге жуық сыйақы беру ұсынылды
Жинап жатқан ақшаңызды инфляциядан қорғау үшін не істеу керек?
Қазақстандық маман 2020 жыл қандай болатынын айтты
Кілт сөздер:
үкімет, жалақы
Загрузка...

Басты тақырып