16:59 14 Тамыз 2020
Тікелей эфир
  • USD418.72
  • EUR495.47
  • RUB5.70
Экономика
Қысқа сілтеме алу
26858171

Өзгерістер "Банк және банк қызметі туралы" және "Микроқаржы ұйымдары туралы" заңдарға енгізіліп отыр

НҰР-СҰЛТАН, 21 қаңтар – Sputnik. Енді банктер мен микроқаржы ұйымдары азаматтардың кредит бойынша қарызы 90 күннен асып кетсе, комиссия есептемейді. Жаңашылдық 2020 жылдың басынан күшіне енді, деп хабарлайды Sputnik Қазақстан тілшісі.

Өзгерістер "Банк және банк қызметі туралы" және "Микроқаржы ұйымдары туралы" заңдарға енгізілген.

"Екінші деңгейлі банктер мен микроқаржы ұйымдарына кепілсіз тұтынушылық қарыз бойынша берешек 90 күннен асып кетсе, айыппұл, өсімпұл, сондай-ақ, комиссия мен басқа да төлемдер есептеуге тыйым салынады", - деді ұлттық экономика вице-министрі Ермек Алпысов елордада өткен баспасөз мәслихатында.

Оның айтуынша, бұрын кредитті уақытында төлемеген кезде өсімпұл әр күн сайын 0,5 процентке өсетін. Енді биылдан бастап кредит бойынша берешегі 90 күннен асып кеткендерге ешқандай комиссия есептелмейді.

"Бұл несие алатын азаматтар үшін әжептәуір жеңілдік деп ойлаймын", - деді вице-министр.

Тағы оқыңыз: Күйеуінен кредитті жасыру үшін қулыққа барған әйелдің басы бәлеге қалды

Айта кетсек, жаңа жылдан бастап кірісі күнкөріс деңгейінен төмен қазақстандықтарға кепілсіз кредит те берілмейді.

2020 жылы ең төменгі күнкөріс деңгейі 31 183 теңге мөлшерінде бекітілді. Яғни, табысы осы сомадан аспайтындарға кредит беруге тыйым салынды.

Бұған қоса, жұмыссыздар да кредит ала алмайды. Өйткені банктен қарыз алу үшін соңғы 3-12 айдағы ресми табысты көрсету қажет.

Тақырып бойынша

Моңғолия президенті барлық зейнеткердің кредитін жауып берді
Қостанайда екі жігіт кредитін жауып, жаңа жыл тойлау үшін қылмысқа барды
21 мың теңге неге төленбей қалды: атаулы әлеуметтік көмек енді қалай есептеледі?
Биылдан бастап кімдер салық төлемейді – министрлік еске салды
Қазақстанда балаларға мектеп формасы мен азық-түлік беріле бастайды
Кілт сөздер:
төлем, талап, кредит
Загрузка...

Басты тақырып