05:23 24 Ақпан 2020
Тікелей эфир
  • USD375.87
  • EUR406.24
  • RUB5.84
Экономика
Қысқа сілтеме алу
1471908

Президент қолда бар ресурстардың бәрін іскерлік белсенділікті ынталандыруға және өндірісті дамытуға бағыттау қажет екенін атап өтті

НҰР-СҰЛТАН, 22 қаңтар – Sputnik. Мемлекет басшысы Қасым-Жомарт Тоқаев "Атамекен" ұлттық кәсіпкерлер палатасы президиумының төрағасы Тимур Құлыбаевты қабылдады, деп хабарлады Ақорда.

Кездесу барысында Құлыбаев мемлекет басшысына бизнес секторының ахуалы, отандық кәсіпкерліктің проблемалары, сондай-ақ, Ұлттық кәсіпкерлер палатасының осы саладағы қызметінің қорытындылары туралы ақпарат берді.

Сонымен қатар, еліміздегі агроөнеркәсіп кешенінің дамуы, фермерлер мен ауыл шаруашылығы тауарларын өндірушілерге қаржы айналымының қажеттілігі, экономиканың өзге де секторларына қаражаттың қолжетімділігі жайында баяндады.

Қасым-Жомарт Тоқаев Тимур Құлыбаевты қабылдады
© Photo : Ақорда
Қасым-Жомарт Тоқаев Тимур Құлыбаевпен кездесті

Импортты алмастыру, мемлекеттік сатып алулардың тиімділігін арттыру мәселелері талқыланды. Президент қолда бар ресурстардың бәрін іскерлік белсенділікті ынталандыруға және өндірісті дамытуға бағыттау қажет екенін атап өтті.

Бұдан бөлек, кездесу кезінде кәсіпкерлікті қолдау бағытындағы мемлекеттік бағдарламалар жұмысының тиімділігі сөз болды. Ұлттық кәсіпкерлер палатасының басшысы жаппай кәсіпкерлік пен адами капиталды дамытуға негізделген "Үкімет бизнес үшін", "Бастау", "Жас кәсіпкер" жобаларының жүзеге асырылу барысы туралы да айтты.

Тақырып бойынша

"Мүдделер қайшылығы болмас үшін...": Тимур Құлыбаев қызметінен кетті
"Орындай алатынымызға сенемін": Тоқаев байларға үндеу жасады
"Мұны бәріміз де білеміз": Тоқаев кейбір басшыларды шегірткеге теңеді
Тоқаев Қасымовты жаңа қызметке тағайындады
Тоқаев тағы бір мораторий жариялауы мүмкін
Кілт сөздер:
Қасым-Жомарт Тоқаев, Тимур Құлыбаев
Загрузка...

Басты тақырып