19:47 05 Шілде 2020
Тікелей эфир
  • USD405.69
  • EUR455.51
  • RUB5.72
Экономика
Қысқа сілтеме алу
1788 0 0

Бақыт Сұлтанов коронавирусқа қатысты қалыптасқан жағдайда халықтың есебінен пайда көруге жол берілмейтінін айтты

НҰР-СҰЛТАН, 17 наурыз – Sputnik. Сауда және интеграция министрі Бақыт Сұлтанов кәсіпкерлерге төтенше жағдай кезінде азық-түліктің шекті бағасын енгізе алатынын ескертті, деп хабарлайды Sputnik Қазақстан тілшісі.

Министрдің айтуынша, барлық жерде азық-түліктің бағасы бақылауға алынады. Осы жұмыспен министрліктің тиісті құрылымдары мен әкімдіктер айналысады. Тұтынушылардың құқықтарын қорғау органдары да атсалысады. Негізгі мақсат – кәсіпкерлердің өзара келісу арқылы азық-түлік бағасын көтеруіне жол бермеу. 

"Сондықтан кәсіпкерлерді ескертейін деп отырмын, бағаны негізсіз көтеру жағдайлары болса, оны өткен аптаның басындағы бағаларға дейін түсіру керек. Осыны жасамасаңыз, барлық тиісті шаралар қолға алынады. Соның ішінде шекті бағаны орнату да бар. Президенттің жарлығы бойынша үкіметке ондай құзірет берілген. Әрине, бұл - нарықтық емес шара. Дегенмен, оның нәтижесі болады. Қазіргі жағдайда халықтың есебінен пайда көруге жол бермейміз", - деді Сұлтанов үкіметте өткен онлайн брифингте.

Оның айтуынша, бүгінде азық-түлік тапшылығы жоқ. Әлеуметтік маңызы бар тауарларды жеткізу жағынан да қиындық болмайды. 

"Сондықтан азық-түлікті артығымен алып, дүрлігудің қажеті жоқ", - деп атап көрсетті Сұлтанов.

Тағы оқыңыз: Коронавирус салдарынан жұмыссыз қалған адамдарға не істеу керек

Тақырып бойынша

"Арандатушылар  – біздің дұшпанымыз": Назарбаева халыққа үндеу жасады
Төтенше жағдай кезінде қазақстандықтардың кредитті қалай төлейтіні айтылды
Нұр-Сұлтанда тағы 14 адамнан коронавирус табылды
Бүгіннен бастап қарттар үйі мен интернаттарда карантин енгізілді
Ірі сауда орталықтары мен кинотеатрлар салықтан босатылады
Кілт сөздер:
Бақыт Сұлтанов
Загрузка...

Басты тақырып