00:59 01 Маусым 2020
Тікелей эфир
  • USD411.54
  • EUR458.13
  • RUB5.84
Экономика
Қысқа сілтеме алу
Коронавирус эпидемиясы (870)
954 0 0

Министр Абаев қарыз алушыларға осы жылдың 16 наурызынан 15 маусымына дейін жеңілдік берілетінін айтты

НҰР-СҰЛТАН, 27 наурыз – Sputnik. Ақпарат және қоғамдық даму министрі Дәурен Абаев төтенше жағдайға байланысты кімдерге айыппұл мен өсімпұл есептелмейтінін айтты, деп хабарлайды Sputnik Қазақстан тілшісі. 

Ол банктер мен микрокредиттік ұйымдардағы қарыз бойынша айыппұл мен өсімпұл мұқтаж адамдарға есептелмейтінін атап өтті. 

Осы жылдың 16 наурызынан 15 маусымына дейін қарыз алушыларға жеңілдік беріледі. 

"Мәселен, карантинге байланысты жұмысынан айырылғандар, ақысыз еңбек демалысына шыққандар, жалақысы азайып немесе тоқтағандар. Міне, осы санаттағы адамдарға есептелмейді. Өздеріңіз байқап отырғандай, дені төтенше жағдай режимімен байланысты", - деді Абаев онлайн брифингте. 

Сонымен қатар, ресми тіркелген жұмыссыздар, атаулы әлеуметтік көмек алатындар мен тұрмысы төмен азаматтар да қосымша құжатсыз бұл жеңілдікке іліге алады. 

Министр кредиттік ұйымдар азаматтардың тізімін кредит бюросынан алатынын айтты. 

"Аталған шара кәсіпкерлерге де қатысты", - деді Абаев. 

Қазақстанда 16 наурыздан бастап төтенше жағдай жарияланды. Режим отыз тәулікке созылады.

Тақырып:
Коронавирус эпидемиясы (870)

Тақырып бойынша

Министр көшеде полицей тоқтатса, не істеу керектігін айтты
Қазақстанда жасы 65-тен асқан адамдардың көшеге шығуы шектелді
Атырау облысында коронавирус жұқтырған үш адамның қайдан келгені анықталды
Коронавирустан көз жұмған қазақстандыққа қатысты тың ақпарат жарияланды
Қазақстанда індет салдарынан қайтыс болғандарды жерлеу ережесі әзірленіп жатыр
Загрузка...

Басты тақырып