НҰР-СҰЛТАН, 7 сәуір - Sputnik. Төтенше жағдай кезінде жеке тұлғалардың банктегі есепшоты бұғатталмайды. Бұл туралы мемлекеттік кірістер комитеті хабарлады.
Банк есепшоттары және инкассация операцияларына қатысты шектеулерді комитет департаментінің қызметерлері алып тастайтын болады. Бұл жеке кәсіпкер ретінде тіркелген жеке тұлғаларға да, жеке практикамен айналысатындарға да қатысты.
Бұл шара қазақстандықтарға 42 500 теңге төленуімен байланысты. Адамдар ақшаны жедел алуы үшін есепшот бойынша жүргізілетін операцияларды шектеу шараларын алып тастау туралы шешім қабылданды.
Тағы оқыңыз: Банк кредит төлемей жүргендердің қарызын 42 500 теңгеден ұстап қала ала ма?
Бұған дейін президент шағын және орта бизнесті салық және өзге төлемдерден босатуды тапсырған болатын.
Ол мемлекеттік комиссия бұл тізімге енетін салаларды анықтайтынын айтты.
