Экономика

Қазақстан ОПЕК+ келісімі бойынша мұнай өндіруді қысқартуды бастайды

© Sputnik / Владимир Астапкович / Медиабанкке өтуРабочий на нефтебазе, архивное фото
Рабочий на нефтебазе, архивное фото - Sputnik Қазақстан
Жазылу
Екі айдың ішінде мұнай өндіруді тәулігіне 9,7 миллион баррельге қысқартуды қарастыратын ОПЕК+ келісімі аясында Қазақстан тәулігіне 390 мың баррельге азайтуға міндеттеме алды

НҰР-СҰЛТАН, 1 мамыр — Sputnik. Қазақстанның энергетика министрлігі мамыр-маусымда мұнай өндіру қысқартылатын кен орындары анықталған қаулының жобасын әзірледі, деп хабарлады ведомствоның баспасөз қызметі.

Әлемде және Қазақстанда мұнайға сұраныстың төмендеуі аясында мұнай қорларының едәуір профицитінің болуына байланысты биылғы жылдың екінші тоқсанында мұнай сақтау орындарының толып кету және қазақстандық кен орындарының апаттық тоқтау қаупі туындайды.

"Осыған байланысты министрлік мамыр-маусым айларында мұнай өндіру шектелетін бірқатар учаскелердің тізбесімен бірге "Көмірсутектерді барлау және өндіру жөніндегі операцияларды және өндіру жөніндегі операцияларды жүргізу үшін жер қойнауы учаскелерін пайдалануға уақытша шектеулер енгізу туралы" үкімет қаулысының жобасын әзірледі", - делінген хабарламада.

Мұнай өндірісі орташа, ірі және алып кен орындарында шектеледі.  

Жер қойнауы тізбесіне шағын және ұсақ кен орындары кірмеген, өйткені бұл жерлерде  экономикалық факторларға байланысты өндіріс өзі-ақ төмендейді деп күтілуде.

Жаңалықтар
0