АСТАНА, 5 қаз – Sputnik. Қытаймен шекарада қазақстандық кеденшілер үш жүзден астам смартфонды ұстап қалды деп Алматы облысының мемлекеттік кірістер департаменті Facebook әлеуметтік желісінде хабарлады.
Табылған телефондардың жалпы салмағы – 73 килограмм.
Әр түрлі маркадағы ұялы телефондар партиясы Қазақстан-Қытай шекарасынан өткізілмек болған.
Қазіргі уақытта ұсталған тауарлардың жалпы құны анықталуда.
Ұялы телефондарды қайда жіберілетіні әлі белгісіз. Егер гаджеттердің заңсыз әкелінгені дәлелденсе, смартфондарды сатудан түскен ақша мемлекетке берілуі мүмкін.
