АСТАНА, 3 қар — Sputnik. Сот танымал қазақстандық продюсер Баян Мақсатқызының (Есентаева) бұрынғы күйеуі Бақытбек Есентаевты 9 жылға бас бостандығынан айыруға соттады, деп хабарлайды Sputnik Қазақстан тілшісі сот залынан.
Бақытбек Есентаев өз әйелін өлтіруге оқталды, сонымен қатар сексуалдық сипаттағы қылмыстар жасады деп айыпталған. Сот жабық түрде, Алматы облысының қылмыстық істер бойынша мамандандырылған ауданаралық сотында алқа билерінің қатысуымен өтті.
"Біздің қорғалушымыз квалификациялық белгілерсіз өлтіруге оқталу қылмыс жасады деп айыпталып, жазасын қатаң режимдегі колонияда өтеумен 9 жылға бас бостандығынан айыруға сотталды. Жыныстық қылмыстар бойынша ол ақталды", — деді Есентаевтың адвокаты Бекболат Жақсеитов.
Оның пікірінше, үкі негізсіз. "Ол өлтіруге оқталды деген айыппен заңсыз сотталды, өйткені оның әрекеттерінде өлтіруге оқталу белгілері емес, өзге қылмыстың белгілері бар", — деп түсіндірді адвокат.
