АСТАНА, 10 қар — Sputnik. Алаяқтық жасады деген күдік келтірілген Қазақстан азаматшасы Біріккен Араб Әмірліктерінен экстрадицияланды, деп хабарлады Бас прокуратураның баспасөз қызметі.
Әйел кісі 120 000 АҚШ долларын алаяқтық жолмен иемденді деп айыпталып отыр.
Күдікті 2011 жылы өзін мұнай компанияларының бірінің бұрынғы қызметкері ретінде көрсете отырып, бір кәсіпкерді күкірт шикізатын жеткізу бойынша тиімді келісімшарт жасап беремін деп алдаған. Оның өтініші бойынша келісімшарт жасауға кететін шығындар үшін оған 120 000 АҚШ доллары берілген. Ақшаны алған бойдан күдікті бой тасалап, шетел асқан.
Қазіргі уақытта күдікті Алматы қаласының тергеу изоляторына қамалды.