АСТАНА, 22 жел – Sputnik. Талдықорған маңындағы Су-27 апатына жанармай жүйесіндегі ақау себеп болуы мүмкін деп хабарлады ҚР бұрынғы қорғаныс министрі, қазіргі сенат депутаты Мұхтар Алтынбаев.
22 Желтоқсан 2016, 10:36
"Менің ойымша, бұған жанармай жүйесіндегі ақау немесе жанармайға қатысты басқа бір мәселе себеп болған. Қыс мерзімінде жанармай әзірлеудің ерекшеліктері бар, мұның қандай деңгейде атқарылғанын комиссия тексеретін шығар", — деді Алтынбаев тілшілерге сенаттың жалпы отырысынан кейін.
"Ұшқыш салқынқандылық танытып, біліктілігін көрсетті, ұшақты елді-мекеннен алысқа қарай бұрып үлгерді. Ұшақтың құлауы төменде еш қауіп төндірмейтініне көзі жеткенде, катапульталанды. Бәрін дұрыс істеді", — деді сенатор.
