АСТАНА, 5 қаң — Sputnik. Қостанай облысының Затобольск кентінде 12 жасар қыз сырғанау кезінде басынан жарақат алып, көз жұмды, деп хабарлайды өңірлік Алау басылымы.
Қайғылы оқиға 3 қаңтар күні кешке орын алған.
"Қыз бала облыстық ауруханаға жарақатпен түсті. Дәрігерлеріміз қызға ота жасады. Өкінішке орай, қызды құтқарып қалу мүмкін болмады. Қыз 4 қаңтар күні таңертең ауруханада көз жұмды", — деп хабарлады Қостанай облыстық аурухананың бас дәрігері Фазылбек Темірханов.
