АСТАНА, 9 ақп — Sputnik. Петропавлда ішінде 30 тонна отыны бар бензин тасымалдаушы басқаруын жоғалтты, бірнеше қоршауды бұзып, су қоймасының үстіне ілініп қалды, деп хабарлайды Sputnik Қазақстан тілшісі.
Сәрсенбі күні кешкі жетілер шамасында бензин тасымалдаушы Петропавл гидроторабы арқылы өтіп бара жатқан жолда, басқаруын жоғалтып, темір қақпаны бұзып, плотинаға ұшып кетті де бетон және метал қоршауын бұзып кетіп, су қоймасының үстіне ілініп қалды. Жүргізуші зардап шеккен жоқ. Ол кабинадан аман-есен шыға алды. Оқиға орнына тез арада полиция қызметкерлері, өрт сөндірушілер, жол мекемелері мен қалалық коммуналды қызметтер, сонымен қатар қала әкімі Марат Тасмағамбетов келді.
Sputnik Қазақстан тілшісіне хабарлағандай, оқиға орнына жұмыс істейтін мамандар, апат салдарынан цистернада кішкене сорғалау пайда болған. Сондықтан бензин тасымалдаушыдан бензинді басқа автоцистерналарға ауыстыру туралы шешім қабылданды. Бұдан бөлек өрт сөндірушілер тұтануды болдырмау үшін бензин тасымалдаушының үстіне көбік шашты.
"Бақытымызға орай, бензин тасымалдаушының қоршауға ілініп, суға түсіп кетпеді, адам шығыны болған жоқ. Оның үстіне гидроторап – стратегиялық нысан, отынның төгілуі қаланы сумен жабдықтау және экологияға үлкен зардаптар әкелер еді", — дегенді алға тартады мамандар.
Төтенше жағдайды жою облыстық ТЖД, ІІД және қала әкімдігінің күштерімен жүргізілді.
"Жүргізуші ішімдік ішпеген. Өзінің тежегіш жолын есептей алмаған болуы әбден мүмкін. Оның үстіне бензин тасымалдаушы тола, ауыр болған, сондықтан бұрылысқа сыймай қалып, қоршауға ұшып кеткен. Ең бастысы бензин тасымалдаушы суға түсіп кетпеді, бензин төгілген жоқ, жүргізуші аман. Нысанда күрделі бұзылулар жоқ. Құрбан болғандар мен зардап шеккендер жоқ. Ал көлікті қазір шығарамыз. Проблема жойылады", — деп түсінік берді жағдайға СҚО ІІД басшысы, полиция генерал майоры Берік Біләлов.
Оқиға орнында тергеу обы жұмыс істеді. ЖКО себептері қажетті сараптамалар жүргізіліп болғаннан кейін, кешеу анықталатын болады.
Отынның негізгі бөлігі басқа цистерналарға аударылғаннан кейін, бензин тасымалдаушыны көтеру бойынша операция басталды. ТЖ толығымен шамамен түнгі бірлерде жойылды.
