АСТАНА, 10 ақп — Sputnik. Қалалық ауруханаға 16 зардап шегуші түскен, олардың үшеуі жан сақтау бөлімінде жатыр. Дәрігерлер олардың хәлін бір қалыпты деп бағалап отыр.
"Бізге 16 зардап шегуші жеткізілді. Барлығына медициналық көмек көрсеттік. 16 адамның бесеуі ауруханаға жатқызылды. Екеуі травматологиялық бөлімде, үшеуі жан сақтау бөлімінде жатыр. Қалғандарын ауыр жарақат алмағандықтан, көмек көрсетіп үйлеріне жібердік. Екі науқасқа операция жасалды. Барлығының жағдайы бір қалыпты", — деп хабарлады №1 қалалық аурухананың бас дәрігері Мавлюда Бокаева Sputnik Қазақстан агенттігіне.
Әскери қызметкерлер мінген автобус Жамбыл облысындағы тас жолда аударылған. Бастапқы берілген мәлімет бойынша, жол апатына көктайғақ себеп болуы мүмкін.
