АСТАНА, 11 ақп — Sputnik. Ұлттық қауіпсіздік комитеті ішкі істер органдарымен бірлесе отырып жүргізген арнайы операциялар нәтижесінде екі радикалды топты бейтараптандырылды, деп хабарлады Қазақстан Республикасы ҰҚК баспасөз қызметі.
Ведомствоның хабарламасына сәйкес, 13-24 қаңтар аралығында Алматы қаласы және Алматы облысы маңындағы жүргізілген аудандарда бірқатар арнайы операциялар нәтижесінде екі радикалды топ пен діни-экстремистік идеологияны ұстанушы 6 адамның іс-әрекеті бейтараптандырылды.
Терроризмді насихаттау, террористік іс-әрекетке қатысуға дайындалу, діни алауыздықты қоздыру және қаруды заңсыз сақтауға қатысты деген айыппен барлығы 15 адам қамауға алынды.
"Ұсталғандардың тұратын мекенжайларын тінту барысында 5 граната, халықаралық террористік ұйымдардың атрибутикасы, діни мазмұндағы әдебиет және ақпаратты электронды тасымалдауыштар тәркіленді", — делінген хабарламада.
Тергеу іс-қимылдары жалғасуда. Көрсетілген іс-шараларды жүзеге асыру сонымен қатар "Универсиада-2017" жарысын өткізу кезінде қауіпсіздікті тиісті деңгейде қамтамасыз етуге ықпал жасады.
