АСТАНА, 22 ақпан – Sputnik. Белгісіз біреулер Алматы облысы Сарыөзек елді мекенінде банкоматтың ішіндегі ақшаны өртеп жібере жаздаған, деп хабарлайды облыстық ішкі істер департаменті.
Оқиға туралы хабар Кербұлақ аудандық ішкі істер бөлімінің кезекші бөліміне 17 ақпан сағат 21.30-да түскен. Белгісіз біреулер елді мекендегі дүкендердің бірінде орнатылған банкоматты бұзбақ болады. Бұл ойларын іске асыру үшін олар газбен дәнекерлеу құрылғысын пайдаланған. Осының салдарынан жалпы сомасы 4,8 млн теңге болатын 5 және 10 мың теңгелік ақша өртенген.
Бұл факті бойынша қылмыстық іс қозғалды. Тергеу жұмыстары облыстық департаменттің тергеу басқармасының ерекше бақылауында. Қазіргі уақытта күдіктілер анықтау және іздеу шаралары жүргізіліп жатыр.
