Оқиға

"Қазақстан инжиниринг" төрағасының бұрынғы орынбасары ұсталды

© Sputnik / Виталий Белоусов / Медиабанкке өтуКісен
Кісен - Sputnik Қазақстан
Жазылу
Ұлттық компанияның басшылық қызметінде Қанат Сұлтанбеков екі жылға жуық уақыт істеді

АСТАНА, 23 ақп – Sputnik. "Қазақстан инжиниринг" Ұлттық компаниясы" АҚ басқарма төрағасының бұрынғы орынбасары Қанат Сұлтанбеков алдын ала божам бойынша жемқорлық сипаттағы қылмыс жасады деген күдікпен ұсталған, деп хабарлады Sputnik Қазақстанға ұлттық қауіпсіздік комитетіндегі дереккөзі.

Қанат Сұлтанбеков "Қазақстан инжиниринг" вице-президенті қызметін 2015 жылғы ақпаннан бастап атқарған. Компанияның сайтында ол басқарма құрамында жоқ, оның қай кезде алынғаны белгісіз. 

Бұрын Астана және Алматы қалалары әкімінің орынбасары қызметтерін атқарған, "Алматықалақұрылысында" инженер, бас инженер болып жұмыс істеген, сонымен қатар "Астана Халықаралық әуежайы" АҚ директорлар кеңесінің төрағасы қызметін атқарған. 

Білімі бойынша – құрылысшы инженер. "Қазақстан Инжиниринг" ұлттық компаниясы 2003 жылы құрылған. Қазіргі уақытта компанияның жалғыз акционері болып"Самұрық Қазына" Ұлттық әл-ауқат қоры" АҚ табылады.

2010 жылғы сәуірден бастап компания ҚР қорғаныс министрлігінің басқаруында.


Жаңалықтар
0