АСТАНА, 27 наурыз — Sputnik. Болжам бойынша, Павлодарда бағдарлық микроавтобус шопыры қызметтік көлік салонында өз-өзіне қол салған деп хабарлайды агенттік тілшісі.
Павлодар облысы ішкі істер департаменті баспасөз қызметі Sputnik Қазақстан агенттігіне хабарлағандай, сағат 11.00 кезінде Павлов көшесі бойындағы үй ауласында №4 микроавтобус салонында 1979 жылы туған ер адамның денесі табылды. Мәйіттен өз-өзіне қол салу белгілері табылған.
Аталмыш дерек бойынша ҚР ҚК 105-бабы 1-бөлігіне сәйкес сот алды тергеу ісі жүргізілуде. Сот-медициналық сараптама тағайындалды.
Дәлелденбеген деректерге жүгінсек, бұдан бұрын микроавтобус шопыры басқа бағдарға ауыстыруды сұраған екен.
