АСТАНА, 26 мамыр — Sputnik. Ақмола облысындағы темір жолда көмір тиелген вагон шетке қарай ауып кетті, деп хабарлады Sputnik Қазақстанға құқық қорғау органдарында.
Оқиға 25 мамырдағы түнде Ақмола облысының Аршалы ауданында орын алды.
"Еркеншілік — Сары-Оба станциясы аралығының 71-ші шақырымында №210 Ерейментау-Астана қатынасындағы жүк вагоны рельстен шығып, шетке қарай ауып кетті. 64 вагоннан тұратын көмір тиелген құрам", — деп ақпараттандырды әңгімелесуші.
Оқиға өзге пойыздардың қозғалысына әсер еткен жоқ. Зардап шеккендер жоқ, 14:00-де жою бойынша жұмыстар аяқталды.
