АСТАНА, 26 шілде – Sputnik. Астанада Highvill тұрғын үй кешенінде ауа баптағышта қысқаша тұйықталу орын алды, деп хабарлады Төтенше жағдайлар жөніндегі комитеттің ресми өкілі Руслан Иманқұлов.
Оның айтуынша, сейсенбі күні сағат 21.30-да тұрғын үйдің 6-қабатында балконда тұрған ауа батпағышта қысқаша тұйықталу болып, бірақ өрт шықпаған.
"Қысқаша тұйықталудың бастапқы себебі ауа баптағыштың қызып кетуі. Құрылғы балконда орнатылған", — деп мәлімет берді Иманқұлов.
Құрбандар мен зардап шеккендер жоқ. Эвакуация да қажет болмады. Оқиға орнына елордалық өрт сөндіру қызметінен 23 адам, бес көлік жіберіліп, Астана қаласы Алматы ауданы Төтенше жағдайлар жөніндегі басқармасының қызметкерлері жұмылдырылды.