АСТАНА, 19 тамыз – Sputnik. Пышақ жарақатын салды деген күдікке ілінген Жамбыл облысы ішкі істер департаменті басқармасының бастығы Мұрат Үмбетәлиев ұсталды, деп хабарлады өңірлің ІІД баспасөз қызметі.
"Жамбыл облысы Ішкі істер департаментінің жедел қызметкерлері Мұрат Үмбеталиевті ұстады. Қазіргі уақытта ұсталған бұлтарпау шарасын таңдау үшін Бас прокуратурасы арнайы тобының жетекшісіне берілді", — делінген хабарламада.
10 тамыз күні түнде бірігіп ішімдік ішкен соң бұрынғы полиция қызметкері Жетпісбаев, Жамбыл облысы Ішкі істер департаменті басқарма басшылары Үмбетәлиев және Бектұрғанов арасында кикілжің туындап, арты төбелеске әкеліп соққан. Аталған дерек бойынша "Адам өлтіруге талпыну" бабына сәйкес сотқа дейінгі тергеу басталды. Министрлік атап өткендей, Бектұрғанов уақытша ұстау изоляторына қамалды, ал Үмбетәлиев қашып кеткен болатын.
