Алматыда көлік астына түскен адамды кейін автобус бірнеше метр жерге сүйреген

АСТАНА, 24 қазан — Sputnik. Көлік соғып, қаза болған ер адам кейін автобус астына түсті, деп хабарлады Sputnik Қазақстан тілшісіне оқиға куәгерлері. 

Лавренев көшесінің бір бөлігінде жарық жоқ. Күн қарайған кезде осы көшемен жүріп келе  жатқан Volkswagen Polo көлігінің жүргізушісі белгіленбеген жерден жолды кесіп өткен ер адамды соғып кетеді. Ер адам жедел жәрдем келгенше көз жұмады. 

Кейін осы жермен автобус өтеді. Жүргізуші жолда жатқан ер адамды байқамай, оны жеті метрдей жерге дейін сүйреген. 

Оқиға орнына криминалдық полиция қызметкерлері шақырылды, олар оқиғаның мән-жайын анықтап жатыр. Екі жүргізуші де осы жерде.