АСТАНА, 17 қараша — Sputnik. Батыс Қазақстан облысында кәмелетке толмаған екі қыздың жүкті болып қалғаны анықталды. Олар 2001 және 2003 жылы туған болып шыққан. Екі жағдайды да дәрігерлер емес, білім мекемелерінің құжаттарын тексеру барысында ювеналды полиция анықтады, деп хабарлайды "Уральская неделя".
Бұл туралы Оралда Дүниежүзілік бала күніне арналған "дөңгелек үстелде" ювеналды полиция қызметкерлері мәлімдеді. Екі оқушы да сәбилі болып, балаларының әкесімен татуласқан.
Ювеналды соттың төрағасы Сұлуханым Қадырәлиева атап өткендей, судьялар жыл сайын зорланған балалар туралы көптеген істі қарайды. 2017 жылдың он айында ювеналды сот осындай алты істі қолға алған. Оның бесеуінде қылмыскерлер бас босандығынан айырылды. Бір жағдайда тараптардың татуласуына байланысты іс тоқтатылды, қыз өзін ренжіткен жігітке тұрмысқа шықты.
2016 жылдың сәйкес кезеңінде осы баппен екі зорлықшы сотталыпты.
