АСТАНА, 16 шілде — Sputnik. Қарағанды облысында көлік қағып кеткен екі полицей ауруханаға түсті, деп хабарлайды Sputnik Қазақстан.
Жол апаты 13 шілде кешке болды. ВАЗ арнайы автокөлігінің экипажы Қызылорда-Павлодар жолында жол апаты болған жерде жұмыс істеп жатқан. Осы уақытта жүк көлігін айналып өтпек болған Audi жүргізушісі ВАЗ-ға соғылады.
Салдарынан екі полцей көптеген жарақат алып, Абай қаласындағы ауруханаға жеткізіледі.
Бұдан бөлек, соқтығыстан Audi жүргізушісінің өзі мен полицейлердің көлігінде отырған бірінші апатқа байланысты сұралып жатқан 26 жастағы ер адам зардап шекті.
Қылмыстық кодекстің жол қозғалысы ережесін бұзу бабы бойынша тергеу жүріп жатыр. Қажетті сараптамалар тағайындалды.
