Оқиға

Алматы облысында екі әйелдің мәйіті табылды

© Sputnik / Игорь Маслов / Медиабанкке өтуМәйіт
Мәйіт - Sputnik Қазақстан
Жазылу
Екі әйел де ұйықтап жатып, өрт шыққанын сезбеген

АСТАНА, 31 шілде – Sputnik. Алматы облысы Еңбекшіқазақ ауданы Байтерек ауылында жер үйден өрт шықты, деп хабарлайды Sputnik Қазақстан облыстың ТЖД баспасөз қызметіне сілтеме жасап.

Ақтөбеде басы жоқ адамның денесі табылды - Sputnik Қазақстан
Өңірлер
Ақтөбеде адамның бассыз денесі табылды

Бүгін таңғы 06:28-де Есік қаласының №6 өрт сөндіру бөліміне өрт туралы хабар түскен. Өрт сөндірушілер бірден Еңбекшіқазақ ауданы Байтерек ауылына аттанады. Оқиға орнына дейінгі ара қашықтық 25 шақырымды құраған. Олар ауылға 22 минут ішінде келеді. 

"Өрт сөндірушілер келген кезде, үй лапылдап жанып жатқан, төбесі құлаған. Тілсіз жауды сөндіру кезінде үйден 1955 және 1966 жылғы екі әйелдің денесі табылды. Алдын ала себептер бойынша олар ұйықтап жатқанда, иіс тиіп көз жұмған", —делінген хабарламада. 

Өрт шамамен екі сағаттан кейін, 08:16-да толығымен сөндірілді. Жалын 56 шаршы метр аумақты шарпыған. 

Алматы облысы ТЖД қызметкерлері азаматтардан өрт туралы "101" немесе "112" телефондары бойынша лезде хабар беруді сұрайды.

Тағы оқыңыз: 

Кілем жуып жатып суға кеткен әйелдің денесі төрт күннен соң табылды

Түркістан облысында үш жасар бала көлікте өртеніп кетті

Жаңалықтар
0