08:09 20 Қазан 2018
Тікелей эфир
  • USD366.43
  • EUR420.11
  • RUB5.58
Операция сәті, архивтік сурет

Мектеп ауласында ойнап жүрген бала жазатайым оқиғадан екі қолынан айырылды

© Sputnik / Михаил Фомичев
Оқиғалар
Қысқа сілтеме алу
127 0 0

Оқушы трансформаторға шығып алып, тоққа түскен

АҚТӨБЕ, 11 қазан — Sputnik. Ақтөбе облысында оқушы мектеп ауласындағы аралық трансформатор станциясына шығып, ойнап жүргенде қуаты 10 мың вольт тоққа түсіп қалды. 

Шалқар ауылындағы №2 ауласында болған қайғылы оқиға жайында Диапазон жазады.

Сабақтан соң екі оқушы аралық станцияға ойнауға барады. Біреуі қоршауды ашып, екіншісі кіреді де, трансформаторға шығып алады. Жоғары кернеулі тоқ өтетін конструкцияға тиіп кеткен жасөспірім қуаты 10 мың вольт электр разрядын алып, есінен танып қалған. 

"Айғайлаған даусын көшеден өтіп бара жатқандар естіп шығарып алыпты, кейін жедел жәрдем шақыру үшін мектепке жүгіріп келген. Бала жақын маңайда тұрады, көпбалалы отбасыдан шыққан. Аралық трансформатор станциясы қоршалып, құлыппен бекітілген, бірақ оқушы кіретін қуыс тауыпты", — деп мәлімет берді мектеп ұжымы.

Күшті разрядқа қарамастан, бала аман қалып, жақын маңдағы ауруханаға жатқызылған. Алайда дәрігерлер қарап шыққан соң, аудандық ауруханада балаға тиісті жәрдем көрсету мүмкіндігі жоқ екені анықталды. Сөйтіп оқушыны санавиациямен Ақтөбеге жеткізген.

Операцияға даярлау үшін екі тәулік кетіпті. Дәрігерлер ер баланың екі қолын кесті. Операция сәтті өтіп, қазір жасөспірімнің өміріне ешқандай қауіп төніп тұрған жоқ.

Тақырып бойынша

Астанаға пойызбен тегін жетпек болған жігіт тоққа түсіп қалды
Қатты желден электр бағанасы құлап, жүргізушілерді тоқ соға жаздады
Қате жауап бергені үшін Аршавинді бес рет тоқ соқты
Кілт сөздер:
қолын кесу, тоқ соғу, мектеп, оқушы, Шалқар, Ақтөбе облысы
Загрузка...

Басты тақырыптар