Оқиға

Нұр-Сұлтандағы өрт: 350 тұрғын үйлерін тастап, қашып шықты

© Photo : pixabay.comӨрт
Өрт - Sputnik Қазақстан
Жазылу
Өрттің шығу себебін төтенше жағдайлар қызметкерлері анықтап жатыр

НҰР-СҰЛТАН, 2 мамыр – Sputnik. Елордада бес қабатты жатақхана өртенді, деп хабарлайды төтенше жағдайлар комитетінің баспасөз қызметі.

2 мамыр күні сағат 10:39-де төтенше жағдайлар департаментінің "101" пультіне Байқоңыр ауданы Жаханша Досмұхамедұлы көшесіндегі бес қабатты жатақханадан өрт шыққаны туралы хабар түскен.

"Өрт ғимараттың екінші қабатындағы бөлмеден шықты. Жалын 20 шаршы метрді шарпыды. Оқиға орнына шұғыл жеткен мамандар тілсіз жауды 11:15-те ауыздықтады", - делінген хабарламада.

Сонымен қатар өрт сөндірушілер автосатының көмегімен 32 адамды қауіпсіз жерген көшірді. Оның 28-і бала екен.

Тағы оқыңыз: Нұр-Сұлтанда тоғыз қабатты үй өртенді: 4 бала ауруханада жатыр

"Жатақханадағы 350 адам өз күшімен сыртқа шықты. 20 тұрғын дәрігерлерден көмек сұрады. Олардың ішінде 14 бала бар. Мамандар өрттің шығу себебін анықтап жатыр. Өртті ауыздықтауға қалалық төтенше жағдайлар департаментінің 66 қызметкері мен 18 өрт сөндіру көлігі жұмылдырылды", - деп мәлімет берді төтенше жағдайлар комитеті.

Сондай-ақ, өрттен зардап шеккендерге ҚР ІІМ ТЖК апаттар медицинасы орталығының 6 дәрігері көмек көрсеткен.

Тағы оқыңыз: Нұр-Сұлтанда бес баланың өмірін жалмаған өрт - оқиға орнынан видео

Жаңалықтар
0