10:30 24 Тамыз 2019
Тікелей эфир
  • USD386.34
  • EUR427.25
  • RUB5.88
Зорлық-зомбылық

Нұр-Сұлтанда 7 жасар баланы анасының көңілдесі көк ала қойдай етіп сабаған

CC0
Оқиға
Қысқа сілтеме алу
4143 0 0

Әйелдің көңілдесі балаға түнде ұйқы бермей, таңға дейін көбейту кестесін жаттатқызады екен

НҰР-СҰЛТАН, 3 мамыр – Sputnik. Елорда полициясы 7 жасар баланың соққыға жығылуына қатысты тергеуді қолға алды, деп хабарлайды Нұр-Сұлтан қаласының полиция департаменті.

Елордалық тәртіп сақшыларының хабарлауынша, қалалық аурухананың қабылдау бөліміне кәмелеттік жасқа толмаған бала көптеген дене жарақатымен түскен.

Тағы оқыңыз: Нағашысы 9 жастағы жиенін көлікке байлап сүйреді - фото

"Осы жайтқа байланысты ҚР ҚК 106-бабы "Денсаулыққа қасақана ауыр зиян тигізу" бойынша қылмыстық іс қозғалды", - деп мәлімет берді полиция.

Тергеу деректеріне сүйенсек, 7 жасар бала анасы және оның көңілдесімен бірге тұрады екен. Тиісті сараптама нәтижесінде балаға ер адамның жәбір көрсететіні анықталды.

Баланың айтуынша, анасы жоқта, яғни күндіз ер адам оны ұрып-соғады екен. Тіпті жаза ретінде түнде ұйықтатпай, таңға дейін көбейту кестесін жаттатқызып қоятын көрінеді. Жеткіншек тұрақты түрде тұрмыстық зорлық-зомбылыққа ұшырап отырған.

Тағы оқыңыз: Шымкент тұрғыны намазды дұрыс оқымаған өгей баласын өлтірді

Куәгерлердің жауабы мен тергеу шаралары негізінде күдікті ұсталды. Ол қазір Нұр-Сұлтан қаласындағы уақытша ұстау абақтысында отыр.

Сотқа дейінгі тергеулер әлі жалғасып жатыр.

Кілт сөздер:
ұрып-соғу, көңілдес, бала, Нұр-Сұлтан
Загрузка...

Басты тақырып