03:23 15 Қазан 2019
Тікелей эфир
  • USD389.62
  • EUR429.98
  • RUB6.06
 Генерал-лейтенант Ерлан Тургумбаев

Нұр-Сұлтандағы 9 жасар қыздың өлімі: министр түсініктеме берді

Пресс-служба МВД РК
Оқиға
Қысқа сілтеме алу
1069 0 0

Тұрғымбаев қылмыстық іс қозғалып, сот-медициналық сараптама жүргізіліп жатқанын айтты

НҰР-СҰЛТАН, 4 маусым – Sputnik. Ішкі істер министрі Ерлан Тұрғымбаев "Ханшатыр" сауда және ойын-сауық орталығында бассейнге батып кеткен 9 жасар қыздың өліміне қатысты түсініктеме берді, деп хабарлайды Sputnik Қазақстан тілшісі.

Тағы оқыңыз: Тоғыз жасар қыз Ханшатырдағы бассейнге батып кетті

Тұрғымбаев оқушы қыздың өлімі бойынша қылмыстық іс қозғалғанын атап өтті.

"Онда мектеп ұйымдастырған жазғы балалар лагері болған. Кеше 30 бала бассейнде шомылып жүрген, жазатайым оқиға болып, қыз батып кетті. Осы кезде құтқарушының қайда болғанын, неге дер кезінде шара қабылдамағанын анықтап жатырмыз", - деді министр үкімет кулуарында.

Сондай-ақ, ол ойын-сауық орталығында балалар лагерін ұйымдастырып, қауіпсіздікті қамтамасыз етпеген ұйымдастырушылардың да жауапкершілік мәселесі қаралатынын айтты.

"Қазір барлық бейнекамераның жазбасын алдық, сот-медициналық сараптама жүргізіліп жатыр", - деді Тұрғымбаев.

Ханшатырдағы трагедия

Кеше елордадағы "Ханшатыр" сауда және ойын-сауық орталығында 9 жасар оқушы қыз бассейнге батып кетті. Белгілі болғандай, сол күні бассейнге мектеп жанындағы лагерьден 200 бала келген, олардың қасында 24 тәрбиеші мен тәлімгер болыпты.

Тағы оқыңыз: Әкімдік қайғылы оқиғаның мән-жайын айтты

Көз жұмған оқушы көпбалалы отбасыдан шыққан, 1-сыныпта оқыған екен. Сауда орталығында жұмыс істейтін медициналық қызметкер балаға алғашқы көмек көрсеткенімен, өміріне араша түсе алмапты. Оқиға орнына жеткен жедел жәрдем дәрігерлері қыздың көз жұмғанын айтты.

Енді басқарма елордағы барлық лагерьді тексергелі отыр.

Тақырып бойынша

Қазақстанда дабыл қағылды: екі күнде 20 адам суға кетті
Бір жасар қыз екпеден кейін көз жұмды: дәрігерлер себебін түсіндірді
Шығыс Қазақстанда имам екі ұлымен бірге суға батып кетті
Телефонға үңілген келіншек бассейнде батып жатқан сәбиін көрмей қалды
Елорда тұрғыны иттің соңынан суға секірген қызды құтқарамын деп ажал құшты
Кілт сөздер:
министр, өлім, қыз, Нұр-Сұлтан
Загрузка...

Басты тақырып