22:22 19 Тамыз 2019
Тікелей эфир
  • USD386.82
  • EUR428.67
  • RUB5.86
Көл, архивтегі фото

Қазақстанда 61 адам суға батып кетті  

© Sputnik / Александр Кряжев
Оқиға
Қысқа сілтеме алу
221 0 0

Өткен аптада 61, жыл басынан бері 237 адам суға кетті   

НҰР-СҰЛТАН, 15 шілде – Sputnik. ҚР ІІМ Төтенше жағдайлар комитетінің төрағасы Владимир Беккер өткен аптада еліміз бойынша 61 адам суға батып, көз жұмғанын айтты, деп хабарлайды Sputnik Қазақстан тілшісі.

Комитет басшысы еліміздегі ыстық шілде айының соңына дейін жалғасатынын атап өтті. Сондықтан қазақстандықтарға суға шомылу ережесін сақтауға кеңес берді. Оның айтуынша, тыйым салынған жерлерде шомылу адам өмірі үшін қауіпті.

"Өкінішке қарай, өткен аптада еліміздегі су қоймаларында 61 адам суға батып өлді. Оның 22-сі бала. Төтенше жағдайлар комитеті және өңірлік құрылымдар жүргізген кешенді іс-шаралар нәтиже бермей жатыр. Адамдар қарапайым қауіпсіздік ережелерін сақтамайды. Тыйым салынған жерлерде шомылады, балаларын қараусыз қалдырады. Салдарынан осындай қайғылы оқиға болады", - деді Владимир Беккер ТЖД-нің ғимаратында өткен брифингте.

Сонымен қатар ол адам өлімі көп тіркелген облыстарға тоқталды.

Ақмола облысында бір аптада 11 адам суға кетті. Оның 3-уі бала. Алматы облысында 8 адам, Атырау облысында 4 адам, Жамбыл облысында 8 адам, Павлодар облысында 8 адам қаза тапты. Мысалы, Павлодар облысында бірден 3 бала суға кетті. Туыстар өзен жағасында демалған. Ата-аналар балаларына қарамаған. Салдарынан осындай қайғылы оқиға тіркелді", - деді комитет төрағасы.

Тағы оқыңыз: Имам балаларымен бірге суға батып кетті 

Владимир Беккер 2019 жылдың 1 қаңтарынан бері 237 адам суға батқанын, оның 90 бала екенін атап өтті.

"Сондықтан барлық тұрғынға қарапайым қауіпсіздік ережелерін сақтауды өтініп сұраймын", - деп түйіндеді сөзін ол.

Тақырып бойынша

"Қауіпсіздік ережелері сақталмаған": жыл басынан бері 40 бала суға батып кетті
Солтүстік Қазақстан облысында шекарашы ана мен баланы құтқарды
Нұр-Сұлтанда қайда шомылуға рұқсат етілген  
Елорда тұрғыны иттің соңынан суға секірген қызды құтқарамын деп ажал құшты
Полиция Ханшатырдағы трагедияның мән-жайын анықтады
Ағыспен алып кеткен: талдықорғандық полицейлер 11 жасар баланы құтқарды
Кілт сөздер:
трагедия, Қазақстан, суға түсу
Загрузка...

Басты тақырып