Оқиға

Павлодарда қоғамдық көлікке оқ жаудырды

© AFP 2024 / KAREN BLEIERТапанша, архивтегі фото
Тапанша, архивтегі фото - Sputnik Қазақстан
Жазылу
Ер адам пәтердің терезесінен бағдардағы таксиге оқ атты, оқиға кезінде ешкім зардап шекпеді  

ПАВЛОДАР, 6 қыркүйек – Sputnik. Павлодарда бағдардағы таксиге пневматикалық тапаншадан оқ атқан ер адам ұсталды, деп хабарлады Sputnik Қазақстан полиция департаментінің баспасөз қызметі. 

Әлеуметтік желілерде полиция қызметкерлері бағдардағы таксиді тексеріп жатқаны жайлы видео пайда болды. Сонымен бірге көлікке белгісіз біреу оқ жаудырғаны айтылады. 

Посмотреть эту публикацию в Instagram

Публикация от 🔝 Автосообщество ПАВЛОДАРА (@kolesa_pavlodara)

Құқық қорғау ведомствосының мәліметінше, кезекшілік бөліміне 6 қыркүйек күні сағат 08:40-та Павлодардағы Малайсары батыр көшесінде белгісіз біреу №153 бағдардағы таксиге оқ жаудырғаны туралы хабарлама келіп түскен. Ведомство ол пневматикалық қарудан атуы мүмкін екенін мәлімдеді.

Төтенше жағдайдан ешкім зардап шеккен жоқ. Аталған факті негізінде Қылмыстық кодекстің 293-бабы бойынша сотқа дейінгі тергеу басталды. Павлодар полициясы солтүстік бөлімінің қызметкерлері бұзақыны ұстаған. 

"Ол 32 жастағы павлодарлық екені белгілі болды. Бұзақы пәтердің терезесінен пневматикалық тапаншамен 153-бағдардағы таксиге оқ атқан. Қару тәркіленді. Тергеу амалдары жалғасуда", - деп жазылған полиция департаментінің баспасөз хабарламасында.

 

Жаңалықтар
0