11:40 18 Қараша 2019
Тікелей эфир
  • USD388.07
  • EUR427.54
  • RUB6.08
Автобус, иллюстрация

Алматы облысында оқушылар мінген автобус апатқа ұшырады: 9 адам ауруханаға түсті

CC0
Оқиға
Қысқа сілтеме алу
51601

Алматыдағы лицейлердің бірінің оқушылары Тамғалы Тас шатқалына саяхаттап бара жатқан, оқиғаның мән-жайы анықталып жатыр

АЛМАТЫ, 28 қыркүйек — Sputnik. Алматылық №134 лицейінің тоғызыншы сынып оқушылары мінген автобустың жүргізушісі рөлге ие бола алмай, көлік жыраға түсіп кеткен. Жол апаты салдарынан зардап шеккен сегіз оқушы мен бір мұғалім ауруханаға жеткізілді.

Жол апаты жөніндегі ақпарат әлеуметтік желіде тарап кетті, автобус ішінде болған оқушылардың ата-аналары үрейленіп, не болғанын білуге тырысты.

"Ата-аналар қатты шошыдық. Ешкім ештеңе білмей, зәреміз ұшты. Ата-аналардың біреуі сынып жетекшісіне әрең дегенде қоңырау шалып, жағдайды білді. Ол қорқынышты ештеңе болған жоқ деп бізді сендірді", - деді Sputnik Қазақстан тілшісіне әйелдердің бірі.

Жол апаты туралы ақпаратты Sputnik Қазақстанға Алматы облысының әкімдігі растады.

Төтенше оқиға Жамбыл ауданында болды, балалар Тамғалы Тас шатқалына саяхаттап бара жатқан, деп хабарлады облыс әкімінің баспасөз қызметі Ғалымұрат Жүкел.

Жүргізуші рөлге ие бола алмай, автобус жыраға түсіп кеткен. Салдарынан сегіз оқушы мен бір мұғалім жеңіл жарақат алды.

"Тоғыз адам ауруханаға жеткізілді. Олардың арасында ауыр немесе орта дәрежедегі жарақат алғандар жоқ. Дей тұрғанмен, олардың бала екенін ескеріп, рентген, МРТ жасау туралы шешім қабылданды. Бұл оқушылардың денсаулығына қауіп төндіруі мүмкін кез келген жағдайдың алдын алу үшін қажет", - деп хабарлады Жүкел.

Оның айтуынша, қазіргі уақытта оқиға орнында Жамбыл ауданының әкімі, прокуратура өкілі, полицейлер мен жедел құтқару қызметінің мамандары жұмыс істеп жатыр.

Жол апатының себептері мен автобус жүргізушісінің кінәсін тергеу анықтайды.

Тақырып бойынша

Жол опырылып түсті: Алматыда жантүршігерлік апат болды
Президент қатысқан салтанатты жиында оқушылар мен мұғалімдер естен танып құлады
Қазақстанда оқушылар 13 адам өлтірді
Ақтауда сыныптасын ерекше құттықтаған оқушылар интернетті шулатты
Кілт сөздер:
жол апаты, оқушылар
Загрузка...

Басты тақырып