12:02 20 Қаңтар 2020
Тікелей эфир
  • USD376.51
  • EUR418.91
  • RUB6.13
Оқиға
Қысқа сілтеме алу
6718 0 0

Қазіргі кезде ішкі қызметтік тергеу басталды. Көліктегі ішкі істер органдары да сотқа дейінгі тергеу шараларын қолға алды

НҰР-СҰЛТАН, 6 желтоқсан – Sputnik. Нұр-Сұлтан қаласындағы әуежайда абайсызда атылған оқтан үш адам зардап шекті, деп хабарлайды Sputnik Қазақстан тілшісі.

Бұл оқиға 3 желтоқсанда болған. Алайда ол туралы енді ғана белгілі болып отыр.

"Жоспарлы оқу-жатығулар кезінде қаруды дұрыс пайдаланбаған қауіпсіздік бөлімшесінің қызметкері абайсызда оқ атқан. Соның салдарынан осы қызметтің үш маманы жарақат алды. Біреуі медициналық көмектен бас тартты. Екеуі орта дәрежеде жарақат алған. Олар қаланың медициналық мекемелерінде емдеу курсынан өтіп жүр", - деп хабарлады Нұрсұлтан Назарбаев атындағы халықаралық әуежай өкілі Sputnik Қазақстанға.

№1 қалалық аурухананың мамандары көмекке жүгінген екі қызметкердің жағдайы туралы айтып берді. Травматологиялық және шұғыл көмек көрсету бөлімінің меңгеруші Алексей Солодтың айтуынша, оқ бір адамның табанына тиген. Бірақ жарақаты ауыр емес. Сол себепті оны амбулаториялық емдеуге ауыстырды.

"Екінші адам ауруханада жатыр. Оның жағдайы орташа. Бұл дегеніміз, дененің қызуы жоқ, жарасы іріңдемеген. Негізі, оқтың жарасы ол жай нәрсе емес. Дегенмен, пациенттің жағдайы жақсарып келеді. Оқ табанына тиген", - деді Солод Sputnik Қазақстан тілшісіне берген сұхбатында.

Қазіргі кезде ішкі қызметтік тергеу басталды. Көліктегі ішкі істер органдары да сотқа дейінгі тергеу шараларын қолға алды.

"Осы факт қылмыстық кодекстің 114-бабы, 3-бөлігі (денсаулыққа абайсызда зиян келтiру) бойынша Нұр-Сұлтан әуежайындағы желілік полиция бөлімшесінің сотқа дейінгі тергеудің бірыңғай тізіміне тіркелді", - дейді құқық қорғаушылар.

Тағы оқыңыз: Әуежайда ұшақтан түсірілген сөмкеден бес айлық сәби табылды - видео

Бұл бапқа сәйкес, кінәлі адам бір мың айлық есептік көрсеткішке (2 миллион 525 мың теңге) дейінгі мөлшерде айыппұл салуға немесе сол мөлшерде түзеу жұмыстарына тартылады. Сондай-ақ, төрт жүз сағатқа дейінгі мерзімге қоғамдық жұмыстарға тартуға немесе бір жылға дейiнгi мерзiмге бас бостандығын шектеуге не болмаса сол мерзiмге бас бостандығынан айыру жазасы қарастырылған.

Тақырып бойынша

Ұлы көз жұмды: белгісіз біреу қала орталығында депутаттың көлігіне оқ атты
Оқ атып, көлігімен басып өткен: Алматыда іздеу салынған жүргізуші ұсталды
Алматы саябағына жас жігіт қаруланып келіп, оқ атты
Талдықорғанда мас адам көшеде оқ жаудырды – видео
Түркістан облысында браконьердің әкесі инспекторларға оқ атты
Кілт сөздер:
жарақат, адам, оқ, әуежай
Загрузка...

Басты тақырып