08:11 09 Шілде 2020
Тікелей эфир
  • USD409.98
  • EUR462.21
  • RUB5.75
Оқиға
Қысқа сілтеме алу
5768 0 0

23 қаңтарда Youtube желісіне шыққан бір видеода автор Көктал жақта қасқырлардың жүргенін айтқан

НҰР-СҰЛТАН, 24 қаңтар – Sputnik. Астаналықтар арасында Көктал мен мамандандырылған халыққа қызмет көрсету орталығы маңында жүрген қасқырлар туралы видео тарап жатыр. Полицейлер фейк ақпарат таратқандарды іздестіруде, деп хабарлайды Sputnik Қазақстан тілшісі.

23 қаңтарда Youtube желісіне шыққан бір видеода автор Көктал жақта қасқырлардың жүргенін айтты. Бірақ оларды жақыннан көрсетпеген. Жеті секундтық роликте жолда қандай жануардың жүргені анық көрінбейді. 

Бұдан бөлек, WhatsApp мессенджерінде бір үйір қасқырдың екі итті жарып кеткені туралы видео тарап кетті. Бұл оқиға Ресейдің Архангельск облысындағы Нёнокс ауылында болған. Бұл туралы Sputnik Қазақстан жазған болатын. 


Тура сондай бір видео Ресейдің Калуга қаласында түсірілген. Онда екі жігіт көліктің ішінен бір үйір қасқырды видеоға түсіріп алған.

Нұр-Сұлтан қаласының полиция департаменті қасқырларға қатысты мәліметті жоққа шығарды.

"Көктал мен мамандандырылған халыққа қызмет көрсету орталығы маңында бір үйір қасқырдың жүргені туралы видеодағы дерек шындыққа жанаспайды. Нұр-Сұлтан полицейлері фейк хабарламаның авторларын іздестіріп жатыр. Жалған ақпарат таратқандар жауапқа тартылады", - деді полиция қызметкерлері.

Тақырып бойынша

Қостанай облысында 11 жастағы баланы қасқыр талап тастады
Харам саналады: мүфтият мұсылмандарға нені жеуге болмайтынын айтты
Аюлар жолда төбелесті, оны қасқыр бақылап тұрды – видео  
Бір үйір қасқыр екі итті жарып кетті – видео
Алматы облысында баланы өз иті талап өлтірді
Кілт сөздер:
полиция, қасқыр, Нұр-Сұлтан
Загрузка...

Басты тақырып