Оқиға

Өскеменде қару кезеніп, дүкен тонаған сәт бейнекамераға түсіп қалды

© Sputnik / Алексей Куденко / Медиабанкке өтуКамера видеонаблюдения, архивное фото
Камера видеонаблюдения, архивное фото - Sputnik Қазақстан
Жазылу
Күдікті уақытша тергеу изоляторына қамалып, Қылмыстық кодекстің 192-бабы бойынша іс жүргізілуде

НҰР-СҰЛТАН, 14 маусым – Sputnik. Өскеменде дүкенге қарулы шабуыл жасалған сәт бейнебақылау камерасына түсіп қалды, деп хабарлайды Polisia.kz.

13 маусым күні кешкі сағат 18:20 шамасында Өскемендегі дүкендердің бірінде қарақшылық шабуыл жасалды. Әлеуметтік желілерде таралған видеода ер адам дүкенге кіріп, атыс қаруына ұқсас затты сатушыға кезенеді. Ал сатушы болса, сөрелердің тасасына жасырынып дүкеннен шығып кетеді. Ал үстелден асып өткен ер адам, кассада тұрған бір бума ақшаны қолды етеді. 

"Осы оқиға бойынша жедел шаралар қабылданды. Криминалдық полиция қызметкерлері 1983 жылы туған Өскемен қаласының тұрғынын ұстады", – деді Шығыс Қазақстан облыстық полиция департаменті басшысының орынбасары Талғат Шаяхметов.

Қазіргі кезде күдікті уақытша тергеу изоляторына қамалып, Қылмыстық кодекстің 192-бабы (тонау) бойынша сотқа дейінгі тергеу басталды.

Оқи отырыңыз: Ақша айырбастау пунктіне жасалған қарақшылық шабуыл видеоға түсіп қалды

Жаңалықтар
0