"Ағзаңыз жасарады": 27 жыл ауыз бекіткен дәрігер ораза ұстаудың пайдасы туралы айтты

© Photo : Марат Сәрсенбаевтың жеке архивіненДәрігер-терапевт Марат Сәрсенбаев
Дәрігер-терапевт Марат Сәрсенбаев - Sputnik Қазақстан
Жазылу
Дәрігер-терапевт Марат Сәрсенбаевтың айтуынша, ораза ұстаған адамның ағзасы бір айда толығымен тазарып шығады

НҰРСҰЛТАН, 16 мамыр – Sputnik, Дәурен Ерболат. Дәрігер Марат Сәрсенбаев Sputnik Қазақстан тілшісіне берген сұқбатында ораза ұстау адам денесін артық май мен зиянды заттардан арылтып, ағзаның жасаруына септігін тигізетінін айтты.

Маманның пікіріне сүйенсек, ауыз бекіту асқорыту жүйесін жақсартып, қартаю процесін тежейді.

© Photo : Марат Сәрсенбаевтың жеке архивінен27 жыл ораза ұстаған дәрігер Марат Сәрсенбаев
Ағзаңыз жасарады: 27 жыл ауыз бекіткен дәрігер ораза ұстаудың пайдасы туралы айтты - Sputnik Қазақстан
27 жыл ораза ұстаған дәрігер Марат Сәрсенбаев

"Ораза адамның организмін тазалайды. Адам қарны ашқан кезде әлсіз жасушалар өздігінен жойылып, аштыққа қарсы тұру үшін адамның ішкі организмдері белсенді жұмыс істейді. Нәтижесінде ағза артық майлардан, шлактардан арылады. Сондықтан ораза ұстаған адамның организмі бір айда толығымен тазарып шығады. Бұл адам ағзасындағы жасушыларды жаңартып, ас қорыту жүйесін жақсартады", - дейді Марат Сәрсенбаев.

Тағы оқыңыз: Қандай адамдарға мүлдем ораза ұстауға болмайды?

Сұқбат барысында дәрігер жапониялық ғалым Есинори Осуми ашығудың адам организіміне пайдалы екенін дәлелдеп, Нобель сыйлығынан алғанын мысалға келтірді. Оның айтуынша, ашығу көптеген аурудың алдын алуға септігін тигізеді.

"Мен қант диабетімен ауырамын. Дәрігерлер бұл диагнозды осыдан 8 жыл бұрын қойды. Инсулин қабылдамаймын. Бірақ дәрігердің бақылауындамын. Соған қарамастан ораза ұстап жүрмін. Бүгінде ағзамдағы қанттың мөлшері қалыпты нормада. Ауыз бекіткеніме 27 жыл болды", - дейді маман.

Марат Сәрсенбаев еске алғандай, алғашқы жылдары ауыз бекіткенде біраз қиналып, бірақ кейін организмі үйренген екен. Дәрігер Оразаны арықтау немесе денсаулығын жақсарту үшін емес, мұсылманның парызы болған соң ұстап жүргенін атап өтті.

Тағы оқыңыз: Ораза ұстауға шамаңыз жетпесе, не істеу керек?

Әңгіме барысында ол қандай науқастарға ауыз бекітуге болмайтынын айтты.

"Күндіз дәрі ішсеңіз, қант диабетімен ауырып, инсулин қабылдасаңыз, қатты ауырып қалсаңыз, ауыз бекітуге болмайды. Сондай-ақ гемодиализ арқылы ем қабылдап жүргендерді атап өткен жөн. Ондай науқастар 4 сағат бойы қанын тазартуға мәжбүр. Олар да ораза ұстай алмайды", - дейді Марат Сәрсенбаев.

Тағы оқыңыз: Сәресі туралы не білу қажет?

Айта кетейік, биыл Ораза 6 мамырда басталып, 30 күнге созылады. Қасиетті Қадір түні – 31 мамырдан 1 маусымға қараған түн. 5 маусымда Ораза айт мейрамы басталады. Құрбан айт 11-13 тамыз күндері болады.

Биылғы пітір садақаның мөлшері – 300 теңге.

Жаңалықтар
0