Биыл елімізде 370 мың бүлдіршін мектеп қабырғасын аттап, олар үшін алғашқы қоңырау соғылады.
Қазақстан Республикасы Білім және ғылым министрлігінің мәліметінше 2016 жылдың қыркүйек айында еліміздегі мектептердің 1-ші сыныптарында 380265 бала оқи бастайды. Мектепке баратын оқушылардың жалпы саны 2,8 миллионға жуық.
Ағымдағы жылы елімізде білім саласында күрделі реформалар жүргізіліп, үштілдік білім беру енгізілуде. Өзгерістерге тоқталар болсақ, сенбі күні бірінші сынып оқушыларына сабақ болмайды. Сабақтар 1 тамызға дейін жалғасатын болады.
Қазақстанның барлық орта білім беру мекемелерінде Білім күні ҚР Тәуелсіздігінің 25 жылдығына және Конституция күніне орай салтанатты түрде алғашқы қоңырау ұйымдастырылады, сондай-ақ бірыңғай "Мен өз елімнің патриотымын" тақырыбында сабақ өтеді.
