03:29 18 Желтоқсан 2017
Тікелей эфир
Нұрсұлтан Назарбаев пен Владимир Путин

Назарбаев пен Путин "28 панфиловшы" фильмін тамашалады

© Foto: Официальный сайт президента РК
Саясат
Қысқа сілтеме алу
21 0 0

Ресей басшысы Владимир Путиннің Қазақстанға жұмыс сапары Нұрсұлтан Назарбаев пен бірлесіп "28 панфиловшы" фильмін тамашалауымен аяқталды

АСТАНА, 5 қаз – Sputnik. Ресей басшысы Владимир Путиннің Қазақстанға жұмыс сапары Нұрсұлтан Назарбаев пен бірлесіп "28 панфиловшы" фильмін тамашалауымен аяқталды, деп хабарлады Ақорданың баспасөз қызметі.

Кинотуынды Бектің "Волоколамск тас жолы" шығармасы негізінде түсірілген. Оның оқиғалары Панфилов дивизиясы атқыштар батальонының командирі Бауыржан Момышұлының атынан әңгімеленеді.

Мемлекеттер басшылары Алматыда құрылған, жау танкілерінің Мәскеуге баратын жолын бөгеген дивизияның ерлігі келер ұрпақ есінде әрдайым қалуға тиіс екенін атап өтті.

Ресейдің мәдениет министрі Владимир Мединский екі ел басшыларына қазақ, орыс, қырғыз және украин жауынгерлерінен құралған дивизияның батырлығы мен қаһармандығы туралы әңгімеледі.

"Ерлік көрсеткен дивизияның ерекшелігі оның құрамында екендігін атап айту керек. Ол кадрлық әскерилерден емес, әскерге шақырылған қарапайым азаматтардан жасақталды, олар соған дейін бүкіл Еуропаны басып өткен кәсіби танк құрамаларын тоқтата алды", — деді Мединский.

Фильмдегі оқиға 1941 жылдың күзінде болған. Жазбаша дерек бойынша 1941 жылдың 16 қарашасында генерал Панфилов қолбасшылық еткен 316-шы атқыштар дивизиясының 28 сарбазы Дубосеково разъезін қорғап, Мәскеуге бет алған немістің танк батальонын тоқтатады. Сюжет толығымен кеңес сарбаздарының ерлігіне арналған.
Қысқы көріністер Санкт-Петербург пен Иваново төңірегінде түсірілген. Соңғы кадрларда Алматыдағы 28 гвардияшы-панфиловшылар атындағы саябақ көрсетіледі.

Владимир Путин өңіраралық ынтымақтастық форумына қатысу үшін 4 қазанда Астанада жұмыс сапармен келді.

Басты тақырыптар