АСТАНА, 25 сәуір — Sputnik. Қазақстанның сыртқы істер министрлігі Астанада өтетін Сирия бойынша келіссөздерге барлық тараптар, оның ішінде оппозиция өкілдерің де қатысатынына үміттенеді, деп мәлім етті ҚР СІМ басшысының орынбасары Мұхтар Тілеуберді.
"Біз Астанадағы келіссөздер жоғары деңгейде өтеді деп үміттенеміз. Өз тарапымыздан біз кезкелген деңгейде қабылдауға дайынбыз, сарапшылық деңгейде әзірленіп қойдық", — деді Тілеуберді сейсенбіде журналистерге.
Оның атап өтуінше, министрлік барлық тараптар: сириялық үкімет, сонымен қатар кепілгер мемлекеттер өкілдері қатысады деп үміттенеді. "Әрине, кез келген бір тарап келмесе, онда толыққанды келіссөздер болмайды", — деді Тілеуберді.
"Барлық тараптар, кепілгер мемлекеттер, үкімет, қаруланған оппозиция туралы да айтып отырмыз", — деп жауап берді Тілеуберді Астанадағы кездесуге келетін қатысушылар туралы сұраққа. Ол, Қазақстанның келіссөздер процесіне араласпайтынын атап өтті.
"Сондықтан, қаруланған оппозицияның келуін кепілгер мемлекеттер қамтамасыз етуі тиіс", — деп түйді Тілеуберді.
