АСТАНА, 18 мамыр — Sputnik. ҚР Қаржы министрі Бақыт Сұлтанов Әзербайжан халықаралық банкіне қазақстандықтардың зейнетақы жинақтарын салған Қазақстанның Бірыңғай жинақтаушы зейнетақы қорына қатысты мәселе бойынша пікір білдірді.
Оның берген мәліметіне сүйенсек, ведомство БЖЗҚ қаражатын бөлумен айналысатын кеңестің мүшесі болып табылады.
"Бұл менеджменттің жауапкершілігі ғой, әрине, қарастырылады. Біз бұл туралы жеке баяндаймыз", — деп жауап берді Сұлтанов БЖЗҚ қаражатын Әзербайжан банкіне салу туралы мәселеге қатысты пікірін сұрағанда.
Бұдан бұрын "Ақ жол" және Қазақстанның коммунистік халық партиясы қазақстандықтардың зейнетақы жинағын инвестициялауға шешім қабылдаған БЖЗҚ лауазымды тұлғаларын жазалауды талап еткен болатын.
