АСТАНА, 22 мамыр — Sputnik. Қазақтан Президенті Нұрсұлтан Назарбаев пен АҚШ мемлекет басшысы Дональд Трамптың бірге түскен суреті Ақорданың инстаграмдағы парақшасында пайда болды.
Нұрсұлтан Назарбаев пен Дональд Трамп Сауд Арабиясында өтіп жатқан "АҚШ – Ислам әлемі" саммиті аясында кездескен болатын.
Бұған дейін хабарланғандай, кездесу барысында екіжақты өзара іс-қимылдың негізгі бағыттары, соның ішінде сауда-экономикалық, саяси және мәдени-гуманитарлық салалардағы байланыстарды тереңдету перспективасы талқыланды. Екі ел президенттері күн тәртібіндегі халықаралық мәселелер жөнінде де пікір алмасты.
