Саясат

Қазақстан, Түрікменстан және Өзбекстан шекараның түйісу нүктесі туралы келісімге қол қойды

© Photo : Министерство иностранных дел Республики КазахстанҚазақстан, Түркменстан және Өзбекстан шекараның түйісу нүктесі туралы келісімге қол қойды
Қазақстан, Түркменстан және Өзбекстан шекараның түйісу нүктесі туралы келісімге қол қойды - Sputnik Қазақстан
Жазылу
Самарқанд қаласында БҰҰ басшылығымен өткізілген Халықаралық конференция аясында келісімге қол қойылды

АСТАНА, 10 қараша — Sputnik. Қазақстан, Түрікменстан және Өзбекстанның сыртқы істер министрлері үш мемлекеттің шекарасы түйісу туралы Келісімге қол қойды, деп хабарлайды Қазақстанның сыртқы істер министрлігі баспасөз қызметі.

Қырғызстан парламенті, архив суреті - Sputnik Қазақстан
Саясат
Қырғыз парламенті Қазақстанмен жасалған келісімнің күшін жойды

Келісімге қол қою рәсімі БҰҰ басшылығымен өткізілген "Орталық Азия: тарихы бір, болашағы бір, тұрақты даму мен өзара өркендеу жолындағы ынтымақтастық" атты халықаралық конференция аясында өтті.

Салтанатқа Қазақстанның сыртқы істер министрі Қайрат Әбдірахманов, министрлер кабинеті төрағасының орынбасары – Түрікменстан сыртқы істер министрі Рашид Мередов  және Өзбекстан сыртқы істер министрі Абдулазиз Камилов қатысқан.  

Түйісу нүктесі туралы Келісімге қол қою Қазақстан, Түрікменстан және Өзбекстан арасындағы мемлекеттік шекараны халықаралық-құқықтық ресімдеудің бір кезеңін толығымен аяқтауға мүмкіндік беріп, өзара сыйластық, суверенді теңдік пен аумақтық тұтастықты нығайтуға негіз болады. 

"Қазақстан президенті Нұрсұлтан Назарбаев тәуелсіздіктің алғашқы күндерінен бастап мемлекеттік шекараны айқындауға ерекше мән берді. Шынымен де бұл мәселе жауапты мемлекет құрылысы мен ел қауіпсіздігінің басты шарты. Бүгін қол қойылған үшжақты келісім Орталық Азия үшін тарихи құжат болып саналады, өйткені үш елдің мемлекеттік шекарасын құқықтық ресімдеуге нүкте қойып отыр", — деді Әбдірахманов қол қою рәсімінен соң.

Жаңалықтар
0